Weight Loss Tips: ఈ 6 రూల్స్‌ పాటిస్తే.. త్వరగా బరువు తగ్గుతారు..!
Weight Loss Tips: ఆరోగ్యకమైన విధానంలో బరువు తగ్గడం చాలా సవాళ్లతో కూడుకున్న పని. బరువు తగ్గడానికి చాలా మంది రకరకాల డైట్‌లు, కఠోరమైన వ్యాయామాలు, వాకింగ్‌ లాంటివి చేస్తుంటారు. వెయిట్‌ లాస్‌ అవ్వడానికి తినకుండా ఆకలితో అలమటించే వారిని కూడా మనం చూసుంటాం. కానీ ఏమాత్రం బరువు తగ్గరు. రోజువారీ అలవాట్లలో మనం చేసే కొన్ని పొరపాట్లు కూడా దీనికి కారణం కావచ్చు. ఆరోగ్యకరమైన రీతిలో బరువు తగ్గడానికి, రోజువారీ అలవాట్లలో పాటించాల్సిన కొన్ని విషయాలను ఈ స్టోరలో చూద్దాం.
మనం ఉదయం పూట తీసుకునే బ్రేక్‌ఫాస్ట్‌ రోజంతా యాక్టివ్‌గా, ఉత్సాహంగా ఉండేలా చూసుకుంటుంది. సాధారణంగా ఉదయం పూట ఇడ్లీ, దోసె వంటి కార్బోహైడ్రేట్లు ఎక్కువగా ఉండే ఆహారాన్ని తీసుకుంటాం. కార్బోహైడ్రేట్లు మన శరీరానికి శక్తిని అందిస్తాయి, అయితే బరువు తగ్గాలనుకునే వారు ఉదయాన్నే ఈ కార్బోహైడ్రేట్లు తక్కువగా తీసుకోవాలి. ప్రోటీన్లు అధికంగా ఉండే ఆహారాన్ని ఎంచుకోవాలి. ప్రొటీన్లు మీ ఆకలను నియంత్రిస్తాయి, వేగంగా బరువు తగ్గడానికి సహాయపడతాయి.
ఫైబర్‌ మన పేగులను ఆరోగ్యంగా ఉంచుతుంది. ముఖ్యంగా బరువు తగ్గాలనుకునే వారు, వారి డైట్‌ ఫైబర్‌ రిచ్‌ ఫుడ్స్‌ ఎక్కువగా తీసుకోవాలని నిపుణులు చెబుతున్నారు. ఫైబర్‌ జీర్ణక్రియ, జీవక్రియను మెరుగుపరుస్తుంది. శరీరంలో మెటబాలిజం పెరగడం వల్ల సహజంగానే కొవ్వు పేరుకుపోకుండా ఉండటంతోపాటు శరీర బరువు తగ్గుతుంది. మీ ఆహారంలో నట్స్‌, విత్తనాలు, ఆకుకూరలు, పండ్లు, తృణధాన్యాలు, చిక్కుళ్లు వంటి ఫైబర్‌ రిచ్‌ ఫుడ్స్‌ తీసుకోండి. ఫైబర్‌ మీ కడుపును నిండుగా ఉంచుతుంది. ఇది ఎక్కువ క్యాలరీలు తీసుకోకుండా నియంత్రిస్తుంది, మీ బరువును కంట్రోల్‌లో ఉంచుతుంది.
