Swetcha Suicide Reason: టీవీ యాంకర్ స్వేచ్ఛ ఆత్మహత్యకి ఇదే అసలు కారణం.. తండ్రి సంచలన ఆరోపణలు
టీవీ యాంకర్ స్వేచ్ఛ సూసైడ్ వార్త తెలుగు మీడియా ప్రపంచాన్ని షేక్ చేసింది. ఎంతో ధైర్యవంతురాలైన స్వేచ్ఛ ఇలాంటి పని ఎందుకు చేస్తుంది? అంటూ అందరూ అనుమానాలు వ్యక్తం చేస్తున్నారు. రచయిత్రి, ధైర్యశాలి, గొప్ప వక్త అయిన స్వేచ్ఛ ఇలా చివరకు వదిలేసి వెళ్లింది అంటూ ఆమె మిత్రులంతా కూడా సంతాపాన్ని ప్రకటిస్తున్నారు. తోటి జర్నలిస్టులు, మాజీ మంత్రి కేటీఆర్ వంటి వారు సైతం ఆమె మృతి పట్ల సంతాపాన్ని వ్యక్తం చేశారు.
టీవీ యాంకర్, ప్రముఖ జర్నలిస్ట్, రచయిత్రి, వక్త అయిన స్వేచ్ఛ వొటార్కర్ ఆత్మహత్య హత్యపై మీద అనేక మంది అనుమానాలు వ్యక్తం అవుతున్నాయి. ఆమె ఎంతో ధైర్య వంతురాలు.. ఆమె ఇలాంటి పని ఎందుకు చేస్తుంది? ఆత్మహత్య ఎందుకు చేసుకుంటుంది? అంటూ తోటి జర్నలిస్టులు, ఆమె మిత్రులు దిగ్భ్రాంతి వ్యక్తం చేస్తున్నారు. ఇక ఆమె మృతి పట్ల కేసీఆర్, కేటీఆర్ వంటి వారు కూడా సంతాపాన్ని ప్రకటించారు.
కాగా స్వేచ్ఛ ఆత్మహత్యకి కుటుంబకలహాలే కారణం అని తెలుస్తోంది. స్వేచ్ఛ తండ్రి తాజాగా తన కూతురి ఆత్మహత్య ఘటనపై స్పందించారు. తన కూతురు ఇలా చేసుకోవడానికి కారణం పూర్ణ చంద్రరావు అనే వ్యక్తి కారణమని ఆరోపించారు. గత కొన్ని రోజులు వారిద్దరూ కలిసే ఉంటున్నారని తెలిపారు. ఇద్దరూ సహ జీవనం చేస్తున్నారని ఆయన అన్నారు. పెళ్లికి మాత్రం నిరాకరించాడని, ఆ విషయంలోనే తన కూతురు మనస్థాపం చెంది ఉంటుందని ఆయన అన్నారు.
ఆయనతో కలిసి ఉండలేను నాన్నా అంటూ జూన్ 26న కూతురు చెప్పిందని స్వేచ్ఛ తండ్రి తెలిపారు. అతడ్ని కఠినంగా శిక్షించాలని స్వేచ్ఛ తండ్రి కన్నీటిపర్యంతం అయ్యారు. కాగా యాంకర్ స్వేచ్ఛకి పెళ్లై ఓ కూతురు కూడా ఉంది. మొదటి భర్తతో విడిపోయిన తరువాత.. కూతురుతో పాటు ఉంటున్న స్వేచ్ఛ‌తో కొన్నాళ్లుగా పూర్ణ చంద్రరావు అనే వ్యక్తి సహజీవనం చేస్తున్నట్టు తెలుస్తోంది.
కాగా జర్నలిస్ట్ స్వేచ్ఛ యాంకర్‌గానే కాకుండా.. సామజిక ఉద్యమకారిణిగా కూడా చాలా యాక్టివ్‌గా ఉండేవారు. ఆమె మరణం పట్ల టీవీ, రాజకీయ ప్రముఖులు దిగ్భ్రాంతి వ్యక్తం చేస్తే ఆమె కుటుంబానికి సానుభూతిని తెలియజేస్తారు.
తెలంగాణ ఉద్యమ జర్నలిస్ట్ స్వేచ్ఛ వొటార్కర్ మరణం పట్ల బీఆర్ఎస్ అధినేత, మాజీ ముఖ్యమంత్రి కేసీఆర్ సంతాపాన్ని వ్యక్తం చేశారు. సామాజిక స్పృహ ఉన్న కవయిత్రిగా, జర్నలిస్టుగా ఎదుగుతున్న స్వేచ్ఛ మరణం విషాదకరమన్నారు. ఆమె ఆకస్మిక మరణం పట్ల తీవ్ర విచారం వ్యక్తం చేశారు. తెలంగాణ ఉద్యమంలో స్వేచ్ఛ తల్లిదండ్రులు శంకర్, శ్రీదేవిలు చురుకుగా పాల్గొన్నారని.. బిడ్డను కోల్పోయి శోకతప్త హృదయులైన వారికి కేసీఆర్ తన ప్రగాఢ సానుభూతిని తెలిపారు.
జర్నలిస్ట్, రచయిత్రి, అంకితభావం కలిగిన తెలంగాణవాది శ్వేత వోటార్కర్ మరణ వార్తలు విని చాలా బాధపడ్డాను.. నాకు మాటలు రావడం లేదు.. ఆమె కుటుంబానికి, ముఖ్యంగా ఆమె కుమార్తె, తల్లికి నా హృదయపూర్వక సానుభూతి. ఈ కష్టకాలాన్ని ఎదుర్కోవడానికి వారికి బలం లభిస్తుందని నేను ఆశిస్తున్నాను.. ఎప్పుడైనా జీవితం కఠినంగా మారినా, కష్టంగా అనిపించినా దయచేసి ఒక ప్రొఫెషనల్‌ని సంప్రదించండి.. ఎలాంటి పరిస్థితుల్లోనూ ఇలాంటి దారిని ఎంచుకోకండి అంటూ కేటీఆర్ ట్వీట్ వేశారు.
స్వేచ్ఛ నాకు ఎప్పటినుంచో తెలుసు.. తను జర్నలిస్ట్ మాత్రమే కాదు, యాక్టివిస్ట్, రచయిత, ఎన్నో కవితలు రాసిన పొయిట్. పర్సనల్ లైఫ్ లో చాలా ఇష్యూస్ ఫేస్ చేసింది. సింగిల్ మదర్ గా పాపను పెంచుతూ ఎంతో బోల్డుగా రాస్తూ, మాట్లాడుతూ ఉండే స్వేచ్ఛను చూసి ఈ అమ్మాయి పేరుకు తగ్గట్టే బతుకుతోందని చాలా సార్లు అనిపించేది. తను చేసిన ఇంటర్వ్యూలంటే నాకు చాలా ఇష్టం. చివరిగా ఉమెన్స్ డే కార్యక్రమంలో కలిసి చాలా సేపు మాట్లాడుకున్నాం. అప్పుడు అదే చెప్పాను. కెరియర్ కూడా చాలా బాగుందని చెప్పింది. అలాంటి అమ్మాయి పాప గురించి కూడా ఆలోచించకుండా ఆత్మహత్య చేసుకుంది అంటే అస్సలు నమ్మబుద్ది కావట్లేదు’ అంటూ జర్నలిస్ట్ తులసీ చంద్ పేర్కొన్నారు.
