Surya Grahan 2025 సూర్య గ్రహణం తర్వాత మీ రాశి ప్రకారం వీటిని దానం చేస్తే.. దోషాలన్నీ తొలగిపోయి.. సంపద పెరుగుతుందట..!
Surya Grahan 2025 జ్యోతిష్యం ప్రకారం, ఈసారి మహాలయ అమావాస్య వేళ రెండో సూర్య గ్రహణం ఏర్పడనుంది. ఈ సందర్భంగా మీ రాశిని బట్టి గ్రహణ దోషాలు తొలగిపోవడానికి ఏమి దానం చేయాలనే పూర్తి వివరాలను తెలుసుకోండి…
Surya Grahan 2025 హిందూ పంచాంగం ప్రకారం, ఈ ఏడాది మహాలయ అమావాస్య వేళ రెండో సూర్య గ్రహణం ఏర్పడుతుంది. అంటే సెప్టెంబర్ 21న ఆదివారం రాత్రి 11 గంటలకు ప్రారంభమై మరుసటి రోజు తెల్లవారుజామున 3:24 గంటల వరకు ఈ గ్రహణం ఉంటుంది. సాధారణంగా సూర్య గ్రహణం ప్రారంభమవ్వడానికి 9 గంటల ముందు సూతక కాలం ప్రారంభమవుతుంది. అయితే ఈసారి భారతదేశంలో సూర్య గ్రహణ ప్రభావం కనిపించదు కాబట్టి, మనకు సూతక కాలం చెల్లుబాటు కాదు. అయితే ఈ కాలంలో ఎలాంటి శుభకార్యాలు చేయరు. ఈ సమయాన్ని అశుభంగా పరిగణిస్తారు. ఇదిలా ఉండగా జ్యోతిష్యశాస్త్రం ప్రకారం, సూర్య గ్రహణం వేళ మంత్రాలను పఠించడం, అనంతరం మీ సామర్థ్యం మేరకు దాన ధర్మాలు చేయడం శుభప్రదంగా భావిస్తారు. ఇలా చేయడం వల్ల మీ జాతకంలో సూర్యుడి స్థానం బలపడి గ్రహణ దోషం తొలగిపోతుంది. గ్రహణం రోజున కొన్ని పరిహారాలు పాటించడం వల్ల జీవితంలో ఆనందం, శ్రేయస్సు పెరుగుతాయి. ఈ సందర్భంగా గ్రహణం తర్వాత ఏ రాశి వారు ఎలాంటి పనులు చేయాలనే పూర్తి వివరాలను ఇప్పుడు తెలుసుకుందాం…
మేష రాశి వారు సూర్య గ్రహణం తర్వాత ఏడు రకాల ధాన్యాలు, బెల్లం దానం చేయాలి. అదే విధంగా ఏదైనా దేవాలయం దగ్గర పేదలకు ఎర్రని దుస్తులు, పప్పులు, ఎర్రని వస్తువులను దానం చేయడం వల్ల శుభ ఫలితాలొస్తాయని పండితులు చెబుతారు.
వృషభ రాశి వారు సూర్య గ్రహణం తర్వాత తెల్లని వస్త్రాలు, కర్పూరం, పాల పదార్థాలు, బియ్యం, పంచదారతో పాటు తెల్లని వస్తువులను దానం చేయాలి. ఇలా చేయడం వల్ల మీకు విశేష ప్రయోజనాలు కలుగుతాయి.
మిథున రాశి వారు సూర్య గ్రహణం తర్వాత ఆకుపచ్చని కూరగాయలు, పచ్చని రంగులో ఉండే దుస్తులు, వస్తువులను దానం చేయొచ్చు. ఇలా చేయడం వల్ల గ్రహణ దోషాల నుంచి ఉపశమనం లభిస్తుంది.
కర్కాటక రాశి వారు సూర్య గ్రహణం తర్వాత తెల్లని వస్త్రాలు, పంచదార, బియ్యం, పాలు, పాల పదార్థాలతో దానం చేసిన మిఠాయిలను దానం చేయాలి. ఇలా చేయడం వల్ల మీ ఆదాయం పెరిగే అవకాశం ఉంటుంది.
సింహ రాశి వారు సూర్య గ్రహణం తర్వాత గోధుమపిండి, రాగి నాణలు, పండ్లు లేదా బట్టలు దానం చేయాలి. ఇలా చేయడం వల్ల మీకు గ్రహణ దోషాల నుంచి విముక్తి లభిస్తుంది.
కన్య రాశి వారు సూర్య గ్రహణం తర్వాత గోమాతకు పచ్చి కూరగాయలు తినిపించాలి. అలాగే పేదలకు ఆహారం, నీరు వంటి వాటిని దానం చేయడం వల్ల శుభ ఫలితాలొస్తాయి.
తులా రాశి వారు సూర్య గ్రహణం తర్వాత విద్యార్థులకు పూజకు సంబంధించిన పుస్తకాలు, పూజా సామాగ్రి, ధూపం, దీపాలు తదితర వాటిని దానం చేయాలి.
వృశ్చిక రాశి వారు సూర్య గ్రహణం తర్వాత పసుపు పదార్థాలు, పసుపు చందనం, పసుపు రంగు బట్టలు, చెరకు రసం ఇంకా పసుపు రంగులో ఉండే వస్తువులను దానం చేయాలి. ఇలా చేయడం వల్ల ఉద్యోగులకు, వ్యాపారులకు సమస్యల నుంచి ఉపశమనం లభిస్తుంది.
ధనస్సు రాశి వారు సూర్య గ్రహణం తర్వాత శనగలు, కుంకుమ పువ్వు, మినపప్పు తదితర వాటిని దానం చేయాలి. ఇలా చేయడం వల్ల మీకు గ్రహణ దోషాల నుంచి విముక్తి లభిస్తుంది.
మకర రాశి వారు సూర్య గ్రహణం తర్వాత నువ్వులు, పండ్లు, ఆవాలు, బట్టలు, దువ్వెన వంటి వస్తువులను పేదలకు దానం చేయాలి. ఇలా చేయడం వల్ల సూర్య గ్రహణం ప్రభావం నుంచి ఉపశమనం లభిస్తుంది.
కుంభ రాశి వారు సూర్య గ్రహణం తర్వాత పిండి, సుగంద ద్రవ్యాలు, పాలు, ఆధ్యాత్మిక రంగానికి సంబంధించిన పుస్తకాలు వంటి వాటిని దానం చేయొచ్చు. ఇలా చేయడం వల్ల మీకు శని దోషం, గ్రహణ దోషం నుంచి విముక్తి లభిస్తుంది.
మీన రాశి వారు సూర్య గ్రహణం తర్వాత పండ్లు, శనగలను దానం చేయాలి. అలాగే చీమలకు బెల్లం, పిండిని కలిపి పెట్టాలి. పేదలకు మీ శక్తి, సామర్థ్యాల మేరకు బట్టలు, ఇతర వస్తువులను దానం చేయాలి. ఇలా చేయడం వల్ల గ్రహణ దోషాలు తొలగిపోయి, మీ సంపద పెరిగే అవకాశం ఉంది.
గమనిక : ఇక్కడ అందించిన భక్తి, జ్యోతిష్య సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు. పై సమాచారాన్ని ‘‘సమయం తెలుగు’’ దృవీకరించడం లేదు.
