Inductions stove: ఇండక్షన్ స్టవ్ వాడేప్పుడు.. కచ్చితంగా ఈ జాగ్రత్తలు తీసుకోవాలి
nductions stove: గ్యాస్ ధరలు కారణంగా ప్రతి ఒక్కరూ ఇండక్షన్ స్టవ్ వినియోగించేందుకు ఆసక్తి చూపుతున్నారు. వంట చేయడానికి ఇండక్షన్ స్టవ్ బెస్ట్ ఆప్షన్. మామూలు స్టవ్తో పోలిస్తే దీన్ని వాడేప్పుడు.. కొన్ని జాగ్రత్తలు తీసుకోవాలసి ఉంటుంది. అవేంటో తెలుసుకోవాలంటే ఈ స్టోరీ చదివేయండి.
Inductions stove: గ్యాస్ రెట్లు రోజురోజుకూ కొండెక్కుతున్నాయి. గ్యాస్ కొనాలంటే.. సామాన్యులకు చుక్కలు కనబడుతున్నాయి. గ్యాస్ ధరలు కారణంగా ప్రతి ఒక్కరూ ఇండక్షన్ స్టవ్ వినియోగించేందుకు ఆసక్తి చూపుతున్నారు. వంట చేయడానికి ఇండక్షన్ స్టవ్ బెస్ట్ ఆప్షన్. గ్యాస్ స్టవ్ కంటే ఇండక్షన్ ఉపయోగించడం చాలా సులభం. మొదట మీరు గజిబిజిగా ఉండే గ్యాస్ సిలిండర్లతో ఇబ్బంది పడనవసరం లేదు. గ్యాస్ కంటే కూడా ఇండక్షన్ మీద వంటలు త్వరగా పూర్తవుతాయి. మీ సమయం కూడా ఆదా అవుతుంది. మామూలు స్టవ్తో పోలిస్తే దీన్ని వాడేప్పుడు.. కొన్ని జాగ్రత్తలు తీసుకోవాలసి ఉంటుంది. అవేంటో తెలుసుకోవాలంటే ఈ స్టోరీ చదివేయండి.
- ఇండక్షన్ స్టవ్ వాడేప్పుడు.. మీకు కుదిరినంతవరకు ఇండక్షన్ కుక్వేర్ను వాడటం మంచిది.
- మనం సాధారణ గ్యాస్ స్టవ్ను సోప్, నీళ్లు ఉపయోగించి శుభ్రం చేస్తుంటాం. కానీ, ఇండక్షన్ స్టవ్ను అలా శుభ్రం చేస్తే పాడవుతుంది. ఇండక్షన్ స్టవ్ను నీటిని వాడకుండా.. మెత్తటి క్లాత్తో దీన్ని తుడవండి.
- ఇండక్షన్ స్టవ్కి ఉన్న రంధ్రాల్లో దుమ్ము, ధూళి చేరకుండా చూసుకోండి.
- కొందరు ఇండక్షన్ స్టవ్ని.. గ్యాస్ స్టవ్ పక్కనే పెడుతుంటారు. ఎప్పుడైనా పొరపాటున గ్యాస్ లీకైతే ప్రమాదం జరిగే అవకాశం ఉంది. తగిన జాగ్రత్తలు తీసుకోవడం తప్పనిసరి.
- ఎక్స్టెన్షన్ ప్లగ్ బాక్సులకు ఇండక్షన్ స్టవ్ ప్లగ్ని కలపకూడదు.
- ఇండక్షన్ స్టవ్ని టీవీలు, కంప్యూటర్లకు దూరంగా ఉంచాలి. మ్యాగ్నెటిక్ ఫీల్డ్ ఎఫెక్ట్ వల్ల పాడయ్యే అవకాశం ఉంది.
- ఇండక్షన్ స్టవ్ కరెంట్ సహాయంతో పనిచేస్తుంది. దీన్ని సిరామిక్ టైల్స్, సిమెంట్ ఫ్లోర్ పైన, వుడ్ ఫ్లోర్ పైన పెట్టాలి. ఎట్టిపరిస్థితులలోనూ మెటల్ సర్ఫెస్పైన పెట్టకూడదు. ఇలా చేస్తే.. కరెంట్ షాక్ కొట్టే ప్రమాదం ఉంది.
- ఇండక్షన్ స్టవ్ ను ఎక్స్ టెన్సన్ బాక్కులకు కనెక్ట్ చేయటం వంటివి చేయకూడదు.
- పొరపాటున ఇండక్షన్ స్టవ్ పై చిన్నపాటి పగుళ్ళు కనిపించినా అలాంటి దానిని వాడకపోవటమే మంచిది.
- వంట పూర్తయిన వెంటనే స్విచ్ ఆఫ్ చేసుకుని , ప్లగ్ డిస్ కనెక్ట్ చేసుకోవాలి
- మెటల్ వస్తువులు, కాగితాలు, బట్టలకు దగ్గరగా ఇండక్షన్ స్టవ్పై వంట చేయకూడదు.
- ఇండక్షన్ స్టవ్ పైన కేవలం స్టీలు, ఇనుప పాత్రలను మాత్రమే ఉపయోగించాలి.
- కరెంట్తో పనిచేసేది కాబట్టి నీటికి కాస్త దూరంగా ఉంచటం మంచిది. తడిగా ఉన్న నేలపై స్టవ్ను ఉంచి వండకూడదు.
News by : V.L
