ఇదేదో చెక్కబెరడు అనుకుంటే పొరపాటే.. గుండె జబ్బులకు గొడ్డలిపెట్టు..!
ది ఎన్నో రకాల వ్యాధులను నయం చేయడంలో దివ్యౌషధ లక్షణాలను కలిగి ఉంది. ఇందులో ఫ్లేవనాయిడ్లు, టానిన్లు, పాలీఫెనాల్స్ వంటి యాంటీఆక్సిడెంట్లు ఉంటాయి. ఇవి ఆరోగ్యకరమైన శరీరాన్ని కాపాడుకోవడానికి సహాయపడతాయి. అర్జున బెరడును తినడానికి సరైన పద్ధతి, ప్రయోజనాలు, జాగ్రత్తలేంటో తప్పక తెలుసుకోవాలి. ఆ వివరాలు ఇలా ఉన్నాయ్…
అర్జున బెరడు ఒక అద్భుతమైన ఆయుర్వేద మూలిక. దీనిని అనేక మందులు, గృహ నివారణలలో ఉపయోగిస్తారు. ఇది ఎన్నో రకాల వ్యాధులను నయం చేయడంలో దివ్యౌషధ లక్షణాలను కలిగి ఉంది. ఇందులో ఫ్లేవనాయిడ్లు, టానిన్లు, పాలీఫెనాల్స్ వంటి యాంటీఆక్సిడెంట్లు ఉంటాయి. ఇవి ఆరోగ్యకరమైన శరీరాన్ని కాపాడుకోవడానికి సహాయపడతాయి. అర్జున బెరడును తినడానికి సరైన పద్ధతి, ప్రయోజనాలు, జాగ్రత్తలేంటో తప్పక తెలుసుకోవాలి. ఆ వివరాలు ఇలా ఉన్నాయ్…
1. గుండె బలపడుతుంది: అర్జున బెరడును తీసుకోవడం వల్ల గుండె ఆరోగ్యం మెరుగుపడుతుంది. గుండె సమస్యలు దూరంగా ఉంటాయి.
2. రక్తపోటు నియంత్రణ: దీని వినియోగం అధిక, తక్కువ రక్తపోటు రెండింటిలోనూ సహాయపడుతుంది. రక్త ప్రసరణను కూడా మెరుగుపరుస్తుంది.
3. కొలెస్ట్రాల్ నియంత్రణ: అర్జున బెరడు తీసుకోవడం వల్ల చెడు కొలెస్ట్రాల్ (LDL) తగ్గి మంచి కొలెస్ట్రాల్ (HDL) పెరుగుతుంది.
4. రక్త ప్రసరణ మెరుగుపడుతుంది: అర్జున బెరడు వినియోగం మూసుకుపోయిన సిరలను తెరవడంలో, వాటిని సహజంగా శుభ్రపరచడంలో చాలా ప్రయోజనకరంగా ఉంటుంది.
5. ఒత్తిడి, ఆందోళన తగ్గుతాయి: దీని వినియోగం నాడీ వ్యవస్థను ప్రశాంతపరుస్తుంది. మానసిక సమతుల్యతను కాపాడుతుంది.
అర్జున బెరడును ఎలా తినాలి?: అర్జున బెరడును గోరువెచ్చని నీటితో కలిపి తాగవచ్చని పోషకాహార నిపుణులు సూచిస్తున్నారు. 1 కప్పు నీటిలో 1 టీస్పూన్ అర్జున బెరడు పొడిని 5–7 నిమిషాలు మరిగించండి. మిశ్రమాన్ని వడకట్టి, కొద్దిగా చల్లబరచండి. ఆపై గోరువెచ్చగా ఉన్నప్పుడు తీసుకోవాలి. రుచి కోసం మీరు అర టీస్పూన్ తేనెను యాడ్ చేసుకోవచ్చు.
దీన్ని ఎప్పుడు తీసుకోవాలి..? :
అర్జున బెరడు నీటిని రోజుకు ఒకసారి ఉదయం ఖాళీ కడుపుతో లేదా నిద్రవేళకు ముందు తాగవచ్చు. 30–45 రోజులు క్రమం తప్పకుండా వాడితే మంచి ఫలితాలను చూస్తారు.
జాగ్రత్తలు ఏమిటి?:
గర్భధారణ సమయంలో లేదా పాలిచ్చే తల్లులు వైద్యుడిని సంప్రదించకుండా అర్జున బెరడు తీసుకోరాదు. ఇంకా గుండె, రక్తపోటు,కొలెస్ట్రాల్ మందులు తీసుకుంటుంటే దానిని తీసుకునే ముందు మీ వైద్యుడిని సంప్రదించండి. 1-2 టీస్పూన్లకు మించకుండా జాగ్రత్త వహించండి. ఎందుకంటే ఇది మీ ఆరోగ్యంపై ప్రతికూల ప్రభావాలను చూపుతుంది.
