తరచుగా గొంతు నొప్పి రావడం చాలా మందికి సాధారణంగా కనిపించే సమస్య. కానీ ఇది కేవలం జలుబు కారణంగా మాత్రమే కాకుండా, ఇతర ఇన్ఫెక్షన్లు లేదా అలెర్జీల సంకేతం కూడా కావచ్చు. గొంతు నొప్పి ఎందుకు వస్తుంది? దాన్ని ఎలా నివారించాలో ఇప్పుడు తెలుసుకుందాం..
గొంతు నొప్పిని చాలామంది చిన్న సమస్యగా తీసుకుంటారు. కానీ ఇది కొన్నిసార్లు ఆరోగ్య సమస్యకు సంకేతం కావచ్చు. గొంతు నొప్పి 3 నుంచి 7 రోజుల్లో తగ్గిపోతుంది. అయితే, తరచుగా వచ్చి ఎక్కువ రోజులు కొనసాగితే దాన్ని నిర్లక్ష్యం చేయకూడదు.
గొంతు నొప్పికి కారణాలు
- జలుబు, ఫ్లూ వంటి వైరల్ ఇన్ఫెక్షన్లు
- బ్యాక్టీరియా ఇన్ఫెక్షన్లు
- అలెర్జీలు
- దుమ్ము, పొగ, కాలుష్యం
- చాలా చల్లగా లేదా చాలా వేడిగా ఉండే ఆహారం/పానీయాలు
- బిగ్గరగా మాట్లాడటం లేదా ఎక్కువగా అరవడం
- ధూమపానం
ఆరోగ్య నిపుణుల ప్రకారం గొంతు నొప్పి తీవ్రమైన వ్యాధి కాదు. ఇది ఇన్ఫెక్షన్ లేదా ఇతర సమస్యల లక్షణం కావచ్చు.
ఈ లక్షణాలు ఉంటే జాగ్రత్తగా ఉండాలి:
- మింగడంలో ఇబ్బంది
- జ్వరం
- మెడ వాపు
- గొంతులో ఎర్రబారడం
- నొప్పి ఎక్కువ రోజులు కొనసాగడం
ఇలాంటి లక్షణాలు ఉంటే వెంటనే వైద్యుడిని సంప్రదించాలి.
గొంతు నొప్పి నివారణకు చిట్కాలు
- చేతులు శుభ్రంగా ఉంచుకోవాలి.
- దుమ్ము, పొగ, కాలుష్యానికి దూరంగా ఉండాలి.
- చాలా వేడి లేదా చల్లని పదార్థాలు తినడం తగ్గించాలి.
- బిగ్గరగా మాట్లాడడం తగ్గించాలి.
- రోజుకు తగినంత నీరు తాగాలి.
- పండ్లు, కూరగాయలు, ప్రోటీన్ ఉన్న ఆహారం తీసుకోవాలి.
- తరచుగా గొంతు నొప్పి వస్తే దాన్ని చిన్న సమస్యగా తీసుకోకుండా కారణాన్ని గుర్తించి సరైన చికిత్స తీసుకోవడం మంచిది.
