భోజనం చేసిన వెంటనే సోంపు తినడం మన భారతీయ సంప్రదాయంలో భాగంగా కొనసాగుతోంది. ఇది కేవలం నోటిని ఫ్రెష్గా ఉంచడానికే కాదు, మొత్తం ఆరోగ్యాన్ని కాపాడటానికి కూడా ఉపయోగపడుతుందని ఆరోగ్య నిపుణులు చెబుతున్నారు.
భోజనం చేసిన తర్వాత చాలా మంది సోంపును తింటారు. ఇది ఎన్నో ఏళ్లుగా వస్తున్న అలవాటు. రుచిగా ఉండడమే కాకుండా.. ఆరోగ్యానికి కూడా ఇది చాలా మేలు చేస్తుంది. చిటికెడు సోంపు శరీరానికి ఎన్నో లాభాలను ఇస్తుంది.
జీర్ణక్రియ మెరుగుపడుతుంది..
సోంపు జీర్ణక్రియకు సహాయపడే ఎంజైమ్లను చురుకుగా చేస్తుంది. దీంతో భోజనం సులభంగా జీర్ణమవుతుంది. భోజనం తర్వాత కడుపు బరువుగా అనిపించడం, అసౌకర్యం వంటి సమస్యలు తగ్గుతాయి.
గ్యాస్ ఉబ్బరం తగ్గుతుంది..
సోంపు గ్యాస్ను తగ్గించే గుణాలు కలిగి ఉంటుంది. కడుపులో చిక్కుకున్న వాయువు బయటకు రావడానికి సహాయపడుతుంది. ఉబ్బరం, బరువు, అపానవాయువు వంటి సమస్యలు త్వరగా తగ్గుతాయి.
గుండెల్లో మంట నుంచి ఉపశమనం..
సోంపు కడుపులో ఆమ్లాన్ని సమతుల్యం చేస్తుంది. దీంతో గుండెల్లో మంట, ఛాతిలో మంట తగ్గుతాయి. భోజనం తర్వాత సోంపు తీసుకోవడం వల్ల కడుపు చల్లగా అనిపిస్తుంది.
మౌత్ ఫ్రెష్గా ఉంచుతుంది..
సోంపు నోటిని ఫ్రెష్గా ఉంచుతుంది. ఉల్లిపాయలు, వెల్లుల్లి లేదా మాంసాహారం తిన్న తర్వాత వచ్చే దుర్వాసనను తగ్గించడంలో ఇది చాలా ఉపయోగపడుతుంది.
జీవక్రియ మెరుగుపడుతుంది..
సోంపు శరీరంలోని జీవక్రియను మెరుగుపరుస్తుంది. ముఖ్యంగా రాత్రి భోజనం తర్వాత సోంపు తినడం వల్ల జీర్ణక్రియ బాగా జరగడంతో పాటూ బరువు నియంత్రణలో ఉంటుంది.
విషాన్ని బయటకు పంపుతుంది..
సోంపు శరీరంలోని విష పదార్థాలను బయటకు పంపడంలో సహాయపడుతుంది. ఇది కాలేయం, మూత్రపిండాల ఆరోగ్యానికి కూడా మంచిదని చెబుతారు. సోంపులో ఉన్న గుణాలు తిమ్మిరి తగ్గించడంలో సహాయపడతాయి. సోంపు గింజలను నమిలి తినవచ్చు లేదా సోంపు నీరు, కషాయం రూపంలో కూడా తీసుకోవచ్చు.
రక్తంలో చక్కెర నియంత్రణకు తోడ్పాటు..
సోంపులోని సహజ పదార్థాలు రక్తంలో చక్కెర స్థాయిలను నియంత్రించడంలో సహాయపడతాయి. మధుమేహం ఉన్నవారికి ఇది సహజంగా ఉపయోగపడుతుంది. అయితే, ప్రత్యేక ఆహార నియమాలు పాటించే వారు డాక్టర్ సలహా తీసుకోవడం మంచిది.
