అధిక రక్తపోటుని తగ్గించే డార్క్ చాక్లెట్, ఎంత తింటే సమస్య కంట్రోల్ అవుతుందంటే
హైబీపి.. ఈ ఒక్క సమస్య చాలు.. గుండె జబ్బులు, స్ట్రోక్, కిడ్నీలపై ఎఫెక్ట్ చూపించడానికి.. బాడీలో ఎన్నో సమస్యలకి కారణమయ్యే హైబీపిని ఎప్పటికప్పుడు కంట్రోల్ చేసుకోవడం చాలా ముఖ్యం. దీనికోసం డైట్‌లో కొన్ని ఫుడ్స్ యాడ్ చేసుకోవడం మంచిది. అందులో డార్క్ చాక్లెట్ కూడా ఒకటి.అధిక రక్తపోటు.. చూడ్డానికి నార్మల్ ప్రాబ్లమ్‌లానే కనిపించినప్పటికీ ఈ ఆరోగ్య సమస్య వల్ల వచ్చే సమస్యలు అన్నీ ఇన్నీ కావు. గుండె రక్తాన్ని పంప్ చేసినప్పుడు ధమనుల గోడలపై కలిగే ఒత్తిడే బీపిని సూచిస్తుంది. రక్తపోటుని సాధారణంగా రెండు సంఖ్యలతో కొలుస్తారు. అవే సిస్టోలిక్(గుండె కొట్టుకున్నప్పుడు), డయాస్టొలిక్(గుండె రెస్ట్ తీసుకున్నప్పుడు). సాధారణ రక్తపోటు 120/80 mm Hg కంటే తక్కువగా ఉంటుంది. అయితే, అదే రక్తపోటు 130/80 mm Hg లేదా అంతకంటే ఎక్కువగా ఉంటే దానినే హైబీపి అంటారు. ఈ సమస్య రావడానికి చాలానే కారణాలు ఉంటాయి.వయసు పెరగడం, జన్యుపరమైన కారణాలు, అధికబరువు, శారీరక శ్రమ లేకపోవడం, ఉప్పు ఎక్కువగా తీసుకోవడం, ఆల్కహాల్ ఎక్కువగా తాగడం, ఒత్తిడి.. ఇలాంటి కారణాలన్నింటి వల్లే హైబీపి వస్తుంది. సమస్య ఉన్నప్పుడు తలనొప్పి, కళ్ళు తిరగడం, శ్వాస సమస్యలు, ఛాతీలో నొప్పి వంటి లక్షణాలు కనిపిస్తాయి. సమస్య మరింత పెరిగితే గుండె సమస్యలు మరికొన్నిసార్లు హార్ట్ ఫెయిల్యూర్‌కి కూడా కారణమవుతుంది. హైబీపి బ్రెయిన్ బ్లడ్ సప్లైని దెబ్బతీస్తుంది. స్ట్రోక్, బ్రెయిన్ ఫెయిల్ అయ్యే ప్రమాదాన్ని కూడా పెంచుతుంది. హైబీపి కారణంగా కిడ్నీల పనితీరు దెబ్బతింటుంది. అంతేకాకుండా కంటిలోని రక్తనాళాలు దెబ్బతింటాయి. ఈ కారణంగానే దృష్టి సమస్యలు, కొన్నిసార్లు కళ్ళు కనిపించకపోవడం వంటి సమస్యలు కూడా ఎదురవుతాయి. ఇన్ని ప్రమాదకరమైన సమస్యలకి కారణమైన హైబీపిని ఎలా కంట్రోల్ చేయాలో తెలుసుకోండి.ప్రజెంట్ ఒత్తిడితో కూడుకున్న లైఫ్‌స్టైల్‌లో హైబీపి కూడా సాధారణ సమస్యగా మారింది. దీనిని తగ్గించుకోవాలంటే మెడిసిన్ మాత్రమే తీసుకోకుండా కొన్ని ప్రత్యేక జాగ్రత్తలు తీసుకోవాలి. వీటి వల్ల హైబీపి కంట్రోల్ అవుతుంది. ఇందులో భాగంగా అమెరికన్ డాక్టర్ ఎరిక్ బెర్గ్ బీపిని తగ్గించుకునేందుకు ఓ అద్భుతమైన ఫుడ్ ఐటెమ్‌ని సజెస్ట్ చేస్తున్నారు. దీనిని తీసుకోవడం వల్ల హైబీపి కంట్రోల్ అవుతుంది. అదేంటంటేహైబీపిని కంట్రోల్ చేయడంలో డార్క్ చాక్లెట్ చాలా బాగా పనిచేస్తుంది. డార్క్ చాక్లెట్‌లో కోకో కంటెంట్ ఎక్కువగా ఉంటుంది. ఈ చాక్లెట్‌లో పాలు, పంచదారలు తక్కువగా ఉండడమే కాకుండా కాస్తా చేదుగా ఉంటుంది. మొదట్లో తినడం కాస్తా ఇబ్బందిగానే ఉంటుంది. కానీ, రెగ్యులర్‌గా తింటుంటే సమస్య చాలా వరకూ కంట్రోల్ అవుతుంది.