Bruce Lee Death: నీళ్లే.. బ్రూస్‌లీ ప్రాణం తీశాయా..?
Bruce Lee Death: హ్యూమన్‌ డ్రాగన్‌ బ్రూస్ లీ చిన్నవయస్సులోనే ఈ లోకాన్ని వీడారు. 1973 జులైలో తన 32వ ఏట సెరెబ్రల్‌ ఎడిమా అనే వ్యాధితో మరణించారు. ఆయన మరణానికి సంబంధించి.. తాజాగా షాక్‌ అయ్యే విషయాలు బయటకొచ్చాయి. అతిగా నీళ్లు తాగడం వల్లే బ్రూస్‌లీ మరణించారని స్పెయిన్‌ శాస్త్రవేత్తలు జరిపిన ఓ అధ్యయనంలో బయటపడింది. Bruce Lee Death: మార్షల్ ఆర్ట్స్ లెజండ్‌.. హాలీవుడ్‌ సూపర్‌ స్టార్‌ బ్రూస్ లీ.. పరిచయం అక్కర్లేని పేరు. మార్షల్ ఆర్ట్స్ గురించి ప్రస్తావన వస్తే.. మొదట గుర్తొచ్చే పేరు బ్రూస్ లీ. హ్యూమన్‌ డ్రాగన్‌ బ్రూస్ లీ చిన్నవయస్సులోనే ఈ లోకాన్ని వీడారు. 1973 జులైలో తన 32వ ఏట సెరెబ్రల్‌ ఎడిమా అనే వ్యాధితో మరణించారు. బ్రూస్‌లీ విషప్రయోగం కారణంగా మరణించారని కొంతమంది అనుమానం. తలనొప్పి మాత్రలు వేసుకోవడం వల్ల అవి వికటించి చనిపోయాయాడని ఒక వాదన. ఆయన మరణానికి సంబంధించి.. తాజాగా షాక్‌ అయ్యే విషయాలు బయటకొచ్చాయి. అతిగా నీళ్లు తాగడం వల్లే బ్రూస్‌లీ మరణించారని స్పెయిన్‌ శాస్త్రవేత్తలు జరిపిన ఓ అధ్యయనంలో బయటపడింది.సెరెబ్రల్‌ ఎడిమా అంటే మెదడు వాపుతో బ్రూస్‌లీ మరణించినట్లు అప్పట్లో వైద్యులు వెల్లడించారు. శవ పరీక్ష సమయంలో బ్రూస్ లీ మెదడు 1,575 గ్రాముల వరకు ఉబ్బినట్లు వెల్లడైంది. ఇది సగటు 1,400 గ్రాముల కంటే ఎక్కువగా ఉంది. అయితే, పెయిన్‌కిల్లర్స్‌ అతిగా వినియోగించడం వల్ల మెదడు కణాలు వాపు ఎక్కినట్లు వైద్యులు భావించారు. కానీ, హైపోనాట్రేమియా వల్లే బ్రూస్‌లీ సెరెబ్రల్‌ ఎడిమా బారిన పడినట్లు స్పెయిన్‌ శాస్త్రవేత్తలు తాజా అధ్యయనంలో వెల్లడించారు. అతిగా నీరు తీసుకోవడం వల్ల శరీరంలో సోడియం స్థాయిలు కరిగిపోవడాన్ని హైపోనాట్రేమియా అంటారు. సోడియం స్థాయుల్లో సమతుల్యత లోపించి శరీరంలోని కణాలు, ముఖ్యంగా మెదడులో కణాలు వాచాయి, అదే అతడి మరణానికి దారితీసి ఉండొచ్చని శాస్త్రవేత్తలు చెబుతున్నారు. బ్రీస్‌ లీ.. అధికంగా నీటిని తీసుకోవడం, అంతే స్థాయిలో మూత్ర విసర్జన చేయకపోవడం వల్ల హైపోనాట్రేమియాకు దారి తీసిందని పరిశోధకులు వెల్లడించారు. బ్రూస్ లీ మూత్రపిండాలు సరిగా పని చేయకపోవడం వల్లే ఇది జరిగిందని… ఇది కూడా అతని మరణానికి కారణమైంది’ అని పరిశోధకులు పేర్కొన్నారు. ద్రవ పదార్థాలు అధికంగా తీసుకోవడం, మరిజునా వంటి వాటిని ఎక్కువగా తీసుకోవడం వల్ల అతిగా దాహం వేయడం, మాదకద్రవ్యాలు, ఆల్కహాల్ వంటి అలవాట్ల కారణంగా.. అధిక నీటిని బయటకు పంపించే సామర్థ్యాన్ని కిడ్నీలు కోల్పోవడం వంటివి ఈ పరిస్థితికి దారితీయొచ్చని పరిశోధకులు అంటున్నారు. బ్రూస్ లీ ఎక్కువగా క్యారెట్‌, యాపిల్‌ జ్యూస్‌ ఎక్కువగా తీసుకునేవారనిని ఆయన భార్య లిండా లీ కాడ్‌వెల్ గతంలో వెల్లడించారు. బ్రూస్ లీ అనారోగ్యంపై మాథ్యూ పాలీ అనే ఓ రచయిత 2018లో ‘బ్రూస్ లీ: ఎ లైఫ్‌’ పేరుతో ఓ పుస్తకం రాశారు. అందులో లీ రోజువారీ నీటి వినియోగాన్ని ప్రధానంగా ప్రస్తావించారు. ‘బి వాటర్ మై ఫ్రెండ్’ అనే కోట్‌ని బ్రూస్ లీ తరచుగా చెబుతుండేవాడు. కానీ, ఈ ఎక్కువైన నీరేఅతనిని చంపినట్లు కనిపిస్తుందని పరిశోధకులు అంటున్నారు. లీ చనిపోవడానికి ముందు.. నెలల్లో 10 నుంచి 20 సిరామిక్ బాటిల్ షేక్స్ తాగేవారని అతని సన్నిహితులు చెబుతున్నారు.
News by : V.L