నవీన్ పోలిశెట్టి హీరోగా వస్తున్న అనగనగా ఒక రాజు సినిమా నుంచి తాజాగా మూడవ సింగల్ కూడా రిలీజ్ చేసింది చిత్రం బృందం.
టాలీవుడ్ ఇండస్ట్రీలో సంక్రాంతి బరిలో నిలిచిన మరో సినిమా అనగనగా ఒక రాజు ( Anaganaga Oka Raju). ఈ సినిమాలో నవీన్ పోలిశెట్టి (Naveen Polishetty) హీరోగా చేస్తుండగా మీనాక్షి చౌదరి ( Meenakshi) హీరోయిన్ గా మెరువనున్నారు. ఈ సినిమా జనవరి 14వ తేదీన థియేటర్లలో రిలీజ్ కానుంది. కామెడీ, రొమాన్స్, థ్రిల్లర్ అంశాల నేపథ్యంలో ఈ సినిమా వస్తోంది. మారి దర్శకత్వం వహిస్తున్న ఈ సినిమాకు సూర్యదేవర నాగవంశీ, సాయి సౌజన్య నిర్మాతలుగా వ్యవహరిస్తున్నారు. మిక్కీ జే మేయర్ సంగీత స్వరాలు అందిస్తున్నారు. ఇప్పటికే ఈ సినిమా U/A సర్టిఫికెట్ పొందగా, ఇప్పటికే వచ్చిన అప్డేట్లు అందరినీ ఆకట్టుకున్నాయి.
అనగనగా ఒక రాజు సినిమా నుంచి మాస్ సాంగ్
నవీన్ పోలిశెట్టి హీరోగా వస్తున్న అనగనగా ఒక రాజు సినిమా నుంచి తాజాగా మూడవ సింగల్ కూడా రిలీజ్ చేసింది చిత్రం బృందం. ఈ స్పెషల్ సాంగ్ లో సాన్వి మేఘన ( saanve megghana ) ఆంధ్ర టూ తెలంగాణ అంటూ రచ్చ రచ్చ చేసింది. అంతేకాదు నవీన్ పోలిశెట్టితో కలిసి అదిరిపోయే స్టెప్పులు వేసింది సాన్వి దీంతో సినిమాపై మరింత హైప్ పెరిగింది.
